Sultartangastöð er um 15 km norðaustan Búrfellsvirkjunar í Gnúpverjahreppi rétt við mörk Árnes- og Rangárvallasýslna.
Stöðin var gangsett árið 1999. Hún nýtir vatn Tungnaár sem hefur áður knúið vélar Hrauneyjafoss- og Sigöldustöðvar á leið sinni ofan af hálendinu. Einnig nýtir hún rennsli Þjórsár, en árnar tvær sameinast í Sultartangalóni fyrir ofan stöðina. Af þessu sökum er hún ekki eins háð sveiflum í vatnsbúskap og margar aðrar stöðvar og líkist Búrfellsstöð að því leyti.
Svæðið í kringum Sultartangastöð er meðal Gnúpverja nefnt Bláskógar en ekki er ljóst hvernig nafngiftin er tilkomin þar sem engan trjágróður er að finna á svæðinu. Þó má leiða líkum að því að svo hafi verið áður fyrr.
Við Sultartanga er fimmta stórvirkjunin sem landsvirkjun hefur byggt. Áður hafa verið reistar virkjanir við Sigöldu og Hrauneyjafoss í Tungnaá, Búrfell í Þjórsá, og neðanjarðarvirkjun í Blöndu.
Framkvæmdir við Sultartanga hófust árið 1997 en stöðin komst í fullan rekstur í byrjun árs 2000. Sultartangastöð nýtir vatn sem rennur úr Sultartangalóni sem myndaðist þegar Þjórsá og Tungnaá voru stíflaðar austan undir Sandafelli, um það bil 1 km ofan áramótanna, á árunum 1982-1984.
Sultartangastífla er lengsta stífla á Íslandi. Á byggingartíma Sultartangastöðvar var stíflan hækkuð um 1 metra og við það óx lónið úr 18 í 20 km. Aðrennslisgöng liggja úr lóninu í gegnum Sandafell að jöfnunarþró suðvestan í fellinu. Aflvélar eru tvær af francis gerð, hvor um sig 60 MW
Frárennslisskurður liggur frá stöðvarhúsinu í rótum Sandafells, um Álftafell og niður á hafið. Skurðurinn sveigir í stefnu meðfram farvegi Þjórsár og fylgir honum að stað 800 m ofan við veitustíflu Búrfellsvirkjunar þar sem hann liggur út í farveg Þjórsár.
Tengivirki er í rofahúsi vestan við stöðina með sf6 einangruðum rofabúnaði. Inn í húsið tengist 220 kV háspennulína frá Hrauneyjafossi að Brennimel. Að auki var lögð ný 400 kV lína frá rofahúsinu að Búrfellsstöð sem var rekin á 220 kV.
Kennitölur
Afl og fallhæð
Fallhæð: 44.6 m
Uppsett afl: 2 x 60 MW
Vatnsnotkun við uppsett afl: 316 m/s
Orkugeta: 880 GWh/ári
Jarðstífla
Lengd: 6.100 m
Mesta hæð: 23 m
Meðalhæð: 12 m
Aðrennslisskurður
Lengd : 100m
Mesta dýpt: 38 m
Aðrennslisgöng
Lengd: 3.377 m
Breidd: 12 m
Hæð: 15 m+
Frárennslisskurður
Lengd: 7 km
Dýpt: 20 m
Vélarnar tvær
Frárenslisskurðurinn