Fimmtudaginn 11/3 fór bekkurinn í könnunarferð í Þjórsárdal til að kynnast betur viðfangsefni hópanna. Fyrst hittum við Gunnar Örn Marteinsson, sveitastjóra Skeiða- og Gnúpverjahrepps, og spurðum hann ýmissa spurninga. Hjálpaði hann okkur mikið að fræðast um áhrif virkjanna á hin mismunandi svið. Verið er að setja upp Þjórsárstofu þar sem sagt er frá mannlífi og náttúru með nýrri þrívíddartækni þar sem mynd er varpað á veggi og gólf þannig að manni finnst að maður sé á staðnum. Þjórsárver er friðað sem þýðir að ekki má raska staðnum á neinn hátt, t. d. með virkjunum. Þrjár virkjanir eru áætlaðar og samþykktar í neðrihluta þjórsár. Virkjanir hafa góð áhrif á samfélagið, vegir eru lagðir og brýr byggðar til að auka aðgengi að þeim og þá bætast samgöngur í samfélaginu í leiðinni. T. d. var félagsheimilið byggt útaf búrfellsvirkjun. Samt hafa virkjanir alltaf einhver umhverfisáhrif því að virkjunin þarfnast lóns og lónið færir stórt landssvæði á kaf. Einnig eru oft fossar sem eru virkjaðir og eyðilagðir þannig að ýmissar náttúruperlur hverfa. Svo er ákveðinn hópur fólks sem er á móti virkjunum, einna helst kannski útaf því að fólk vill ekki fleiri álver.
Daði Viðar sýndi okkur bæði Búrfells- og Sultartangavirkjun og fengum að vita og sjá hvernig það virkaði. Við fengum að sjá öxulinn snúast (sem er á milli hreyfilsins og rafalsins) og fleira. Mikill hávaði myndast vegna vatnsins sem kemur á miklum hraða og með miklum krafti. Búrfellsvirkjun er einskonar höfuðstöðvar virkjanna. Einnig er Búrfellsvirkjun næststærsta virkjun landsins, á eftir Kárahnjúkavirkjun.
Daði (ekki mr. hópstjóri) hleypti úr sultartangalóni í farveg Tungnaá og krafturinn var rosalegur. Þeir sem vildu máttu vera neðar en sá sem tók myndina hér fyrir neðan og vildu það flestir.
